-- Advertisements --
TACLOBAN CITY– Gin-aaghat hiton TB Dots & Schistosomiasis, adton may mga Tuberculosis (TB), nga magpa-konsulta ha doktor ha dagmit nga panahon, agud nga matagan hin dayon nga medikasyon.
Sumala kan Program Coordinator TB Dots & Schistosomiasis, Mel Tirso, Maravilles, nga dire ma-awod pagpa konsulta ha doktor, matungod nga an nasabi nga sakit in delikado ngan nakakatapon.
Dugang pa hine, an Tuberculosis, in nakaka-perwesyo ha sulod balay, matungod nga posible ine makatapon ngan makag-kawsa hin pagkakamayda hin mga TB an bug-os nga pamilya.
Ginmalatumat hine, nga nahagos ha 6 kabulan an treatment han nasabi nga sakit, ngan kinahanglan han usa nga pasyente in humanon an iya mga check-ups, ngan medisina agud nga dire na ine magsarang pa.
