TACLOBAN CITY– Gin-aaghat hiton Business Permit and Licensing Division (BPLD) Tacloban, an natanan nga publiko partikular na adton mayda mga businesses ngan sugadman mayda mga kinahanglan bayaran nga mga buhis, nga magbayad hin sayo agud nga dire mapenaltihan.
Sumala kan Business Permit and Licensing Division Tacloban, Licensing Officer IV, Gemafiel Gaspay, nagtikang an ira pangarawat han bayad, hadton nakalabay nga petsa 2 han Enero 2025.
Dugang pa hine, agud nga dire magbugi-ot an City Hall, pwede an publiko magbayad ha ira pinakaharani nga lugar, matungod nga mayda man an mga ine nakatudlok nga mga satellite areas, kun diin pwede gihapon hira makagbayad.
An mga ine in nahihimutang ha Kanhuraw, Boss Building, Gaisano Capital, Robinsons Marasbaras.
Magtitikang naman an mga ine pangarawat hiton bayad alas-8:00AM-5:00PM.
Nakatalaan naman nga maghuman an panbayad ha petsa 20 hiton Enero 2025.
