-- Advertisements --
TACLOBAN CITY – Usa nga insidente hin sunog ha usa nga warehouse hin kopras an nahipatik ha Purok 6, Sitio Guinapahan, Brgy. Cervantes, Catarman Nothern Samar.
Sumala kan FSInsp. Victor Ygbuhay, Municipal Fire Marshal hiton Catarman Fire Station, waray nahipatik nga casualty o samaran ha nasabi nga insidente.
Nagtikang an sunog dida han alas-3:46 han maaagahon ngan deklara an kaparong han kalayo dida han alas-5:50 han aga ha kaparehas nga adlaw.
Samtang, maabot naman ha P150,000 an kantidad han initial damage han nasabi nga sunog ha warehouse.
Ha pagkayana in padayon pa an gindudumara nga imbestigasyon han mga otoridad agud mahibaruan an hinungdan han sunog.
