TACLOBAN CITY – Ginbawian na hiton iya kinabuhi an usa nga sundalo nga nasamaran han natabo nga engkwentro ha butnga hiton tropa han gobyerno kontra ha mga walhon nga grupo ha Sitio San Pedro, Poblacion, San Jose de Buan, Samar.
Ginkilala an nasabi nga sundalo kan Sgt. Marvin Calvintos, Infantry Philippine Army.
Sumala kan Capt. Jefferson Mariano, Division Public Affairs Officer, 8ID Philippine Army, nagdumara an kasundaluhan hin pagpapatrolya ha nasabi nga lugar, agud nga masigurado an kahimyang han nasabi nga lugar.
Mababaruan, una na nga nahereport nga mayda presensya hiton walhon nga grupo an nasabi nga lugar, sanglit dayon an mga ine nga nagdumara hin pagpapatrolya kun diin, ha mga ginlalauman na nga panhitabo in nagkamayda hin engkwentro ha butnga han nasabi nga New Peoples Army (NPA).
Nadara pa ha ospital hi Calvintos, ngan didto na ine ginbawian han iya kinabuhi.
Ha pagkayana, nakikisubo an bug-os nga pwersa han kasundaluhan, ngan nakikisimpatya gihapon ine ha pamilya nga nabayaan ni Sgt. Marvin Calvintos.
