-- Advertisements --
NATIONAL- Presente nga ginsirbe han Department of Justice an mga ‘subpoena’ para kanda Charlie Atong Ang, Gretchen Barretto ngan iba pa.
Ine in kasumpay ha reklamo nga iginhaon han mga pamilya han nawawara nga sabungero kasumpay ha nasabi nga isyu nga ginkakadabihan an, ‘missing sabungeros case’.
Subay ha impormasyon, dire la hira Ang ngan Barretto an ginpadad-an kalakip gihapon hi anay NCRPO Chief Jonnel Estomo.
Kalakip gihapon dinhe an lumantad nga testigo nga hira Julie ‘Dondon’ Patidongan ngan Elakim Patidongan.
Naatubang an mga ine ha reklamo nga may kalabutan ha pamatay , kidnapping ngan iba pa.
Ginmalatumat naman ni Assistant Secretary Mico Clavano an kumpirmasyon ngan padayon an subpoena nga ginsisirbe han nasabi nga ahensya.
