NATIONAL – Target yana han Department of Education (DepEd) nga ibanan an ihap han mga subjects han mga estudyante ha Senior High School (SHS) curriculum ngan plano ine himuon nga 5 o 6 nala.
Ha pagkayana manggud in mayda 17 nga core curriculum subjects ha SHS program.
Ha usa nga statement, igin-pahayag ni DepEd Sec. Sonny Angara nga an pag-iban ha mga subjects ha SHS in usa nga pamaagi para makapaghatag hin mas dako nga oras para ha on-the-job training o OJT han mga estudyante, nga makakabulig nga mapaupay pa an employability o kapasidad nga ma-hire ha trabaho an SHS graduates bisan kun waray pa ine work experience.
Kasumpay hine, igin-pahayag han ahensya nga nakipag-sumpayan na hira ha academic expert para mapadagmit pa an mga pitad para ha pag-aram ngan pag-streamline han SHS program.
An pag-review han nasabi nga curriculum para ha SHS o Grade 11 and 12 in nagpapadayon samtang hinay-hinay nga gin-papatuman ngada ha 2028 an K-10 curriculum nga nakatutok naman ha literacy ngan math skills han mga estudyante.
