NATIONAL – Nagsumite hin panibag-o nga petisyon ha Office of the Ombudsman hira Davao del Norte 1st District Rep. Pantaleon Alvarez ngan Citizens Crime Watch.
Panuyo hine nga hangyuon ha Ombudsman nga butangan hin preventive suspension hira House Speaker Ferdinand Martin Romualdez, Majority Leader Mannix Dalipe, Rep. Zaldy Co ngan Rep. Stella Quimbo.
Ugsa ine, nagpasaka na gihapon an grupo hin 12 counts hin falsification of legislative documents kontra ha nasabi nga mga House officials mahitungod ha daw nahitabo nga insertions ha P241-billion 2025 national budget.
Duon pa han petitioners, kinahanglan masusupendi an nasabi nga mga opisyal agud dire maimpluwensyahan an gindudumara nga panginano.
Dugang pa hine, mabug-at nga issue an dishonesty, oppression, ngan grave misconduct sanglit sakto nga basaranan ine agud suspendihon an mga gin aakusaran.
Gintagan-duon naman ni Alvares nga dire ine kaparehas han mga nauna nira nga igindaop ha anti-graft body ngan pwede daw ine syahan nga aksyunan para ha magigin halarom nga imbestigasyon.
