NATIONAL NEWS– Pumalag an Partido Demokratiko Pilipino-Lakas ng Bayan ha imbitasyon han House of Representatives tri-committee ha mga Duterte vloggers ngan social media influencers.
Subay ha nasabi nga partido, an aksyon han Kamara in klarado nga pan-haharas ngan pagtalapas ha freedom of speech.
Gintagan hin duon han grupo nga naksulod ha batakang balaod, nga waray balaod nga igpasar nga lilimitaran an freedom of speech, pagpapagawas hiton sentimento ngan katungod han mga katawhan, nga may kagawasan nga mag-urusa ngan magpetisyon ha gobyerno ngan batunon an mga araba.
Gintagan duon gihapon hine kumo usa nga partido, nga nagduduso hin katungod nga nakasulod ha konstitusyon nga gindidire an bisan anu nga pag-pugong ha freedom of speech.
Importante an freedom of speech, partikular na kun kinahanglan nga igbuyagyag an mga kriminalidad ngan iregularidad han gobyerno.
