NATIONAL- Gin-aghat ni Catholic Bishops Conference of the Philippines (CBCP) president Cardinal Pablo Virgilio David an mga Pilipino nga iglakip ha ira pag-ampo an dayon nga pagka-upay ni Pope Francis.
Ine in kadungan han padayon nga pagpapaupay han Santo Papa tikang ha iya respiratory infection.
Apela ni Cardinal David ha mga deboto nga Katoliko nga ig-ampo an pagkaupay ni Pope Francis ngan dayon hine nga pag-recover tikang ha iya gin-aabat nga sakit.
Gin-aghat gihapon ni Apostolic nuncio to the Philippines, Archbishop Charles Brown an mga Pilipino nga ig-ampo an dayon nga pagupay han Holy Father.
Subay ha ginpagawas nga pamahayag han Vatican, nagpapabilin nga ada ha maupay nga kondisyon an Santo Papa, samtang naka -confine ha Gemelli hospital Rome.
