Abri an buhatan ni Senate President Win Gatchalian ha mga miyembro han minorya para makig-hisgot ngan masigurado an padayon nga trabaho ha Senado.
Ginmalatumat ni Gatchalian na ha mga masunod nga adlaw in may mga minority members pa hiya nga makaka-istorya labi na nga an pira ha mga ini in nagpahayag na hin kaandaman nga makipagbubligay agud makagtrabaho na.
Gindaop niya ha special session ngan ginkaistorya hira Sen. Imee Marcos, Rodante Marcoleta, Loren Legarda, Pia Cayetano, Bong Go ngan Camille Villar.
Labot hini, natagan gihapon hin Committee Chairmanships an tulo ha minority members, hi Go ha Committee on Sports and Youth, Sen. Camille ha Committee on Government Corp. ngan Sen. Mark Villar nga Chairman naman han Committee on Banks.
Sugadman, ha kaluyo han mga pagbati ha personal ngan ha texts tikang ha mga miyembro han minorya, ginmalatumat ni Gatchalian nga an iya ginbalyuan nga hi Senate Minority Leader Alan Peter Cayetano in dire la gihapon na-greet o nagpapadara ha iya hin mensahe.
