NATIONAL NEWS- Ginsukna ni Senate Pres. Vicente ‘Sotto’ III hi anay Bulacan 1st District Engineering Office asst. chief Brice Hernandez kun tinuod an impormasyon nga iginpapagawas han iya abogado nga may unom nga senador nga daw dabi ha flood control scandal, subay na gihapon ha impormasyon nga nakabutang ha computer ni Hernandez.
Paki-ana ni Senate President, kay-anu puros Senador an gin-ngangaranan o gindadbi ha nasabi nga kontrobersiya.
Ginkatigan namnan ni Senate Blue Ribbon Committee Chairman Sen. Ping Lacson an punto ni Sotto ngan ginpahayag hine nga dire ine patas para ha mga Senador an naging pahayag ni Fortun matungod nga damo an mga ispekulasyon an nagawas.
Dugang pa ni Lacson, kinahanglan magin mahirot an abogado ni Hernandes ha iya gingagawas nga impormasyon matungod sigurado nga magdudurot ine hin kawurok han publiko.
