HEALTH — May sakit nga kun tawagon in Heart Failure, kun diin naluya an masel han kasingkasing. Tungod hini, nakukurian an kasingkasing nga magbomba hin dugo ha bugos nga lawas.
Kay anu naluya an kasingkasing? An kaudgan ngarason han heart failure amu an pagbabara han ugat ha heart, durot han altapresyon, diabetes, pagsigarilyo ngan pagkaon hin magtambok. May mga bata nga pasyente nga may rheumatic heart disease an nagkakamay-ada gihapon hin heart failure.
Pira ha mga sintomas hin heart failure in pamamanas han tiil, paghingal, malaksi makapoy ngan nakukurian pagkatorog nga nakahigda. Baga hin nalulumos an pamati ngan kinahanglan nira nga gumamit hin damo nga ulunan.
Patiunan-o ba matatanggal an manas han heart failure?
- Limitahi an pag inom hin tubig ngan likido ha 4 o 5 baso la ha usa ka adlaw. Lakip na dinhi an sopas, juice ngan matubig nga prutas. Kun nainom ka hin usa ka tasa nga sabaw, 4 ka baso nala hin tubig an puydi mo nga inomon.
- Sukla an gin-iinom ngan gin-iihi kada adlaw. Iglista ini. Gumamit hin plasric nga litro hin softdrinks para masukol an tanan nga gin iihi ha usa ka adlaw. Kinahanglan in mas damo an gin iihi kaysa ha gin-iinom. Kun 1 ka litro an nainom, kianahanglan in 1 o 2 litro an iihi-on ha usa ka adlaw. Ha sugad nga pamaagi, maiibanan an manas ngan paghingal han pasyente.
- Timplaha an pag-inom hin Furosemide para maabot an panuyo nga 2 ka litro hin ihi ha usa ka adlaw. Puydi nga 2 ka tableta hin Furosemide an inumon.
- Kaon hin 2 o 3 nga saging kada adlaw. Ini in para mabalyuan an potassium nganawawara ha lawas ha pag-ihi.
Labot la hini, importante la gihapon an regular nga pagpakonsulta ha doktor agud nga mabantayan an kahimtang han imo kasingkasing.
