TACLOBAN CITY – Narekupo han mga otoridad an ada ha P738,100 nga kantidad han gintotoohan nga shabu ha gindumara nga buy-bust operation ha Brgy Mercedes, Catbalogan City.
Ginkilala an suspek kan alyas “Miles”, 55-anyos an pangidaron, ngan residente han Brgy Mercedes, Catbalogan City.
Sumala kan Rogelette Urgel, Information Officer hiton Philippine Drug Enforcement Agency Regional Office Vlll, usa nga High Value Target an suspek mahitungod han kadamo han droga nga nakuha ha iya.
Nakuha ha suspek an pira kasachet han gin aalegar nga shabu nga mayda kabug-aton nga MOL 92.62 kagramos ngan nagkakantidad hin P738,100.
Ha pagkayana in temporaryo nga nakapaslak an suspek ha PDEA RO8 Detention Facility ngan mag-aatubang hin kaso pagtalapas ha Comprehensive Dangerous Drugs Act of 2002.
