NATIONAL – Ginkumpirma han Energy Regulatory Commission nga umabot na ha 280K nga indibidwal an nabenipisyuhan han lifeline rate subsidy.
Ine an igindasig mismo ni Energy Regulatory Commission Chair Monalisa Dimalanta ha mga magbabalaod.
Ginbuhat han opisyal an kumpirmasuon ha ginbuhat nga paghingaday ha pondo han DOE nga ginkakalakipan han ERC para ha masunod nga tuig.
Basar ha datos, maabot na ha 287,867 an benepisyaryo han programa tikang pa dida han Enero 2023 kutob Hunyo 2024.
An nasabi nga programa in usa nga non-cash monetary discount program ha monthly bill han kuryente ha mga kunsumidor.
Tikang naman ha nasabi nga ihap, maabot ha 237,023 an benepisyaryo han 4Ps.
Dumamo daw an mga benepisyaryo tikang han tikangan an pag-ihap ha mga benepisyaryo han 4Ps dida han syahan nga bulan han tuig.
Padayon naman an ginbubuhat nga paglilibot ha mga barangay ha magkaduru-dilain nga parte han nasud.
