TACLOBAN CITY — Maabot 2,116 nga mga human resource o health staff an ginpan deploy han Department of Health (DOH) Regional Office 8 ha mga magkadurudilain nga local government units ha Sinirangang Bisayas.
Ini in kaparte han ira mahugot nga kampanya agud nga masigurado nga an ngatanan in maupay an panlawas agud nga makalikay ha hulga han novel coronavirus o COVID-19.
Sumala kan John Paul Roca, tagapagyakan han DOH region 8, nga an mao nga mga health staff nga ginkokomposar hin mga nurses, medical technologists, ngan midwives in mabulig ha pag monitor han mga kahimtang panlawas han mga katawhan ha kada barangay ngan LGU.
An mga ini gihapon an mabulig pag giya han mga Barangay Health Emergency Response Team (BHERTs).
An mao nga mga health staff in iginpandeploy ha mga prayoridad nga lugar sugad han 4th/ 5th/ 6th class municipalities, mga identified nga munisipalidad nga may indigenous cultural communities, GIDA barangays.
