Tacloban City – Maabot hin 4,410 nga mga data enumerators iton igde-deploy han Philippine Statistics Authority ( PSA ) ha Sinirangan Bisayas ha pagtikang 2020 Census of Population and Housing (CPH), buwas nga adlaw, Setyembre 1, ha luyo han COVID-19 pandemic.
Sumala kan Wilma Perante, regional director han PSA Eastern Visayas, an igdedeploy nira nga mga staff in ginpailarom ha training ha strikto nga pagsunod han mga health protocols sugad nala han pagsul-ot hin PPEs, pagsul-ot hin face mask ngan face shield ngan pagmintinar ha social distancing samtang nagdudumara hin house to house interview ha sakob hin 15 kutob 30 minutos.
Para liwat malimitahan an face to face interaction, pwede magbilin hin 8 kapaypay nga questionnaire an mga enumerators nga igfifill-up han tagbalay o di man ngani pwede hira igpailarom ha interview pinaagi ha online o ha telepono.
“Marami pong alternative para lang masigurado na lahat ng tao sa rehiyon otso ay makukuhaan ng impormasyon. And during the training in-emphasize po namin ang pagsunod sa mga health protocols ng DOH. And then, as a requirement, they have to present a health certificate from city or municipality ensuring that they are COVID free”, pahayag ni Perante ha virtual press briefing han Philippine Information Agency.
“Hindi po hadlang ang ating pandemic ngayon, in fact meron kaming nakuha from IATF na ang buong PSA, exempted from general quarantine sa conduct ng census at housing at lahat ng statistical survey but kung merong advisory ang ating mga local officials na di kami pwedeng pumasok sa certain city, municipality at barangay kami po ay susunod”, kadugangan nga pahayag han tagmangulo han PSA.
Maabot liwat hin 843 nga mga supervisors ngan 218 nga mga area supervisors an mabulig ha mga data enumerators ha pagsiguro nga ensakto nga mga datos an ira kukuhaon tikang ha mga households.
Gin-aaghat naman ni Perante an mga molopyo nga makigbinuligay ngan suportahan an 2020 CPH pinaagi ha pagbaton hin tinood ngan ensakto nga mga impormasyon tungod nga ini nga mga datos in gagamiton han gobyerno ha pagmugna hin socio- economic ngan developement policies.
Mababaruan nga base ha Batas Pambansa 72, Republic Act No. 10625 ngan Executive Order 352 may mandato an PSA nga magdumara hin census of population ha bug-os nga Pilipinas.
Base naman ha 2015 Census of Population (POPCEN 2015) mayda 4,440,150 nga populasyon an Sinirangan Bisayas
