TACLOBAN CITY – Maabot ha sobra 1,164 an kabug-usan nga ihap an nahipatik hiton Department of Labor and Employment VIII nga mga aplikante ha gindumara nga Mega Job Fair ha siyudad hiton Tacloban dida han Mayo 1, nga hiunong na gihapon ha pagsalin-urog han 122nd Labor Day.
Sumala kan Norma Rae Costimiano Information officer Department Of Labor and Employment VIII, nga ha nasabi nga ihap, in 504 dinhi an manilampuson nga nakarawat han mga kumpaniya ngan 74 liwat dinhi an mga na hired-on-the-spot.
Basar han ira datos, an mga trabaho nga an kadam-an nga kumarawat hin mga hired-on-the-spot in an mga kumpanya nga maypaghisumpay ha service establishment, online teaching, deliveries, ngan office clerks.
Aada naman ha 75 nga mga employers nga naghatag hin mga opportunidad kun diin 70 dinhi in mga lokal ngan private companies ngan 5 liwat dinhi in overseas companies nga naghahatag hin pan-abroad nga mga trabaho.
Samtang nagin manilampuson ngan mahimyang naman an gindumara nga Mega Job Fair nga ginbuhat ha Tacloban City Convention Center.
