-- Advertisements --
TACLOBAN CITY – Ginpahayag han City Government han Tacloban nga nagpapabilin nga African Swine Fever (ASF) free iton siyudad.
Sumala kan Dra. Eunice Alcantara, head han City Veterinary Office, mas ginpahugot pa nira an ginbubuhat nga mga pitad agud nga diri makasulod ha siyudad an ginkakabarak-an nga ASF.
Nagpapadayon an ira mahugot nga border checkpoints ha may Marasbaras, Manlurip ngan iba pa nga entry points agud nga waray makakasulod nga mga baboy tikang ha iba nga mga lugar.
Padayon gihapon an ira inventory ngan masterlist han mga tag-ada o tag-iya hin mga baboy agud nga mamonitor an mga ini.
Mababaruan nga pira na nga mga bungto ha Leyte an apektado han ASF kaupod na an Palo, MacArthur, Tanauan, Javier, La Paz, Dulag ngan Abuyog.
