HEALTH NEWS – An bipolar disorder in usa nga klase han sakit ha huna-huna o mental nga kondisyon. Kilala gihapon ini ha tawag nga bipolar disease ngan manic depression. Kun mayda hini an usa nga tawo ,hiya in nakaka-experyensya hin high mood (mania o hypomania) ngan low mood (depression).
Ha kaluyo hini, damo an diri mag-upay nga butang an nahihimo han mga tawo nga bipolar, sanglit nga kinahanglan nga intindihon an mga ini matungod nga diri niya kontrolado an ira mga mood swing.
Subay ha mga doktor, nga hapagakayana in diri pagud matudlok kun anu an rason han pagkakakmayda hin bipolar disorder han usa nga tawo.
Mababaruan nga waray pa tambal ha bipolar disorder , pero in pwede naman ini nga maibanan pinaagi han pag-inom han mga tambal ngan pagpapailarom ha psychotherapy.
Adi naman an pira nga mga sintomas han Bipolar disorder: Duro nga kalipay; Pagkakamayda hin duro nga pagtapod ha kalugaringon o pag-abat nga akos niya himuon an ngatanan nga karuyag niya himuon; Pagtuo nga waray hiya may nahihimo nga sayop; Pakaka-experyensya hin diri tadonga nga paghuna-huna; Pagkakamayda hin mga hallucination; Pakikipag-himangraw hin madagmit ngan paiba-iba an istorya;Kakulang hin katurog ngan diri nakaka-abat hin kakapoy; Pagigin nerbyoso; Pagkawara han konsentrasyon o madagmit nga mangalas; Paghimo hin mga delikado nga hirimuon, sugad han pangawat, duro nga paggamit han droga ngan pag-inom han makahurubug nga nga irimnon, ngan agresibo ha pakikipaghilawas.
