TACLOBAN CITY – Gindumara dida han nakalabay nga Setyembre 26, alas-9 han aga, an simultaneous earthquake drill ha bug-os nga nasud.
An kahuhuman la nga Third Quarter Nationwide Simultaneous Earthquake Drill (NSED) in ginpangunahan han Office of the Civil Defense Central and Regional Offices kaupod an magkaduru-dilain nga mga ahensya han gobyerno ngan mga lokal nga pan-gobyernuhan.
Sumala kan Civil Defense Eastern Visayas Regional Director, Lord Byron Torrecarion, an yana nga drill ha rehiyon in ginbuhat ha Northern Samar ngan ha mga kahigrani hine nga munisipyo.
Ine naman daw an syahan nga higayon nga gindumara ine ha damo nga lugar ha rehiyon kun diin panuyo hine nga masukol an kadagmit ngan ka-efficient han pagresponde.
An NSED in gindudumara hin upat kabeses kada tuig kumo kaparte han pagpapakusog han kaandaman han sambayanan kun magkamay-ada hin linog.
Labot la ha Duck, Cover, and Hold, gindumara gihapon durante han NSED an evacuation drills ngan iba pa nga exercises kun diin ginpakita ngan ginpanginano an pagresponde o response capabilities ha magkaduru-dilain nga panhitabo kada mayda linog.
