TACLOBAN CITY – Gin deklara na nga African Swine Fever free iton bungto han Silago, Southern Leyte.
Sumala kan Hon. Lemuel Honor, Municipal Mayor hiton Silago, Southern Leyte, dida han nakalabay nga Pebrero 11 han presente nga tuig in gin bulkas na nira an ira mga ASF warnings ngan executive order kasumpay han pagdidire han pag-ihaw han mga baboy.
Tatanggalon na gihapon an checkpoint nga tikang ha Hinunangan tikadto ha Silago yana nga maabot nga Pebrero 22.
Magpapabilin naman an provincial checkpoint nga tikang ha Leyte tikadto ha Southern Leyte agud maproteheran daw an mga katawhan han Southern Leyte.
Basar ha pinakabag-o nga report, dire maubos ha P6,000,000 an kantidad han gin bayad han probinsya kumo kompensasyon ha ngatanan nga mga naapektuhan han African Swine Fever.
