Pormal na nga igin deklara ni Pangulong Ferdinand R. Marcos Jr. an state of national energy emergency ha nasud agud proteharan an nasud ha posible kaatubangon nga peligro han nagpapadayon nga tensyon ngan gyera ha Middle East.
Basar ha Executive Order (E.O.) No. 110 nga igin pagawas yana nga adlaw, ika-24 han Marso 2026, panuyuan han mao nga pitad an madagmit nga kabatunan ha hulga han supresyente nga suplay han enerhiya ha nasud mahuman ini tudlokon han Department of Energy (DOE) kumo kritikal nga sitwasyon.
Subay ha direktiba, an pagsasara han Strait of Hormuz sugad man an nagpapadayon nga tensyon ha butnga han United States, Israel, ngan Iran in nagdurot hin makusog nga kasamok ha global oil shipments.
Mahitungod nga an Pilipinas in usa nga net importer hin produkto nga petrolyo, aminado iton gobyerno nga bulnerable itun nasud ha tigda nga pag hitaas han presyo han lana ug kadelatar han supply chains.
Agud maibanan an epekto hini ha publiko ngan ha ekonomiya, igin mando gihapon han Presidente an hiluag nga pagpapatuman han Unified Package for Livelihoods, Industry, Food, and Transport o UPLIFT.
Ini an magseserbi kumo opisyal nga whole-of-government response framework agud masigurado an padayon nga pagsulog han mga negosyo ug pagpa-angbit han mga pangunahon nga serbisyo, partikular na ha mga sektor nga ma aapektuhan.
Basar ha kataposan nga paypay han E.O. nga gin pirmahan ni Acting Executive Secretary Ralph G. Recto, an deklarasyon in magpapabilin nga epektibo ha sakob hin usa katuig tikang ha adlaw nga iginpatuman ini labot la kun bawion o pahilawigon pa han Presidente an deklarasyon.
