TACLOBAN CITY – Usa nga Senior High School Teacher ha Basey, Samar an naaresto ha buybust operation nga gindumara ha Brgy. Roxas, Basey, Samar.
Ginkilala an suspek kan alyas Burnok, 33-anyos an pangidaron, ngan residente han nasabi nga barangay.
Sumala kan Rogelette Urgel, Information Officer hiton Philippine Drug Enforcement Agency Regional Office Vlll, usa nga High-Value Target an suspek mahitungod nga usa ine nga maestro.
Nakuha ha suspek an lima kasachet han gin aalegar nga shabu nga mayda kabug-aton nga dire maubos ha 2.93 kagramos ngan mayda market value nga P19,3000.
Ha pagkayana in nakapaslak ha Basey Municipal Police Station Lock Up Facility an suspek ngan mag aatubang hin kaso pagtalapas ha RA 9165 o Comprehensive Dangerous Drugs Act of 2002.
