TACLOBAN CITY – Dead on arrival an usa nga senior citizen, mahuman mga maligis hin usa nga van, ha National Highway han Brgy Milagrosa, Sta Fe, Leyte.
Ginkilala an biktima kan alyas “Pepe”, parag-uma ngan residente han nasabi nga lugar, samtang an driver naman in ginkilala kan alyas “Cito”, 55 anyos, ngan residente han Brgy. Tambis, Palompon, Leyte.
Sumala kan PCpt. Claro Anthony Francisco, Chief Police hiton Sta. Fe Municipal Police Station, natabok an biktima han aksidente ine nga matudol han van nga nabiyahe tikanhi ha Tacloban City.
Nag angkon hin mga injuries ha magkaduru-dilain nga parte han lawas hine an biktima, rason han iya dayon nga kamatayon.
Ada naman na ha kustodiya han Sta. Fe Municipal Police Station an driver han van para han kaangayan nga disposasyon.
