TACLOBAN CITY – Usa nga flight tikang ha Tacloban tikadto ha Manila an na-delay mahitungod han bomb joke han usa nga 85-anyos nga lola nga naka-wheel chair.
Ginkilala an lagas kan Mrs. Fe, residente han Alangalang, Leyte.
Sumala kan PLt. Col. Allan Camasin, Information Officer hiton Tacloban City Police Office, ginbasahan han iya constitutional rights ngan ginpalusad an usa nga pasaheros ha eroplano mahitungod nga nag-intrimis ine ha usa nga flight attendant nga daw mayda bomba nga sulod an iya bag.
Dayun naman ine nga ginreport han flight attendant kun diin dayun nga gihapon nga nagdeploy hin mga kapulisan ngan K9 dogs an pulisya agud magdumara hin inspection.
Ha pagpanginano han mga otoridad ha gamit han nasabi nga pasaheros in puros la mga bado an nakit-an han mga ine.
Samtang, sakay gihapon han nasabi nga flight an pira nga mga kongresista nga umatender ha pag-abri han Bagong Pilipinas Serbisyo Fair kakulop nga adlaw, Agosto 2.
