NATIONAL – Igin kalipay ni Senate Committee on Civil Service, Government Reorganization and Professional Regulation Chairman Senator Ramon “Bong” Revilla Jr an pag-iisyu ni Presidente Ferdinand R. Marcos, Jr. han Executive Order (EO) nga may panuyo nga pahitas-an an sweldo ngan benepisyo han mga empleyado han gobyerno.
Kasunod ha EO 64, sakop han salary adjustment an ngatanan han civilian government personnel ha Executive, Legislative, Judicial Branches, Constitutional Commission ngan iba pa nga Constitutional Offices; mga Government-Owned or Controlled Corporations (GOCCs) nga dire sakop ha ilarom han RA 10149 at EO 150 s. 2021; at local government units — magin ano man an ira appointment status, bisan regular, contractual or casual, appointive o elective, ngan kun full-time o part-time.
Labot la han updated nga salary schedule han government workforce in makarawat gihapon an mga ine han tinuig nga medical allowance nga nagkakantidad hin dire masobra ha P7,000 tikang ha FY 2025 kumo subsidiya para ha ira health maintenance organization-type benefit.
An nasabi nga Executive Order in igpapatuman ha upat nga parte nga magtitikang ha Enero 1, 2024 para ha syahan nga parte; Enero 1, 2025 para ha ikaduha ngan ha ikatulo naman nga higayon in ha Enero 1, 2026, ngan para naman ha ikaupat in ha Enero 1, 2027.
