NATIONAL NEWS– Waray tuguti han Senado an hangyo para ha Christmas furlough o temporaryo nga kagawasan han kontraktor nga hi Pacifico “Curlee” Discaya II ngan 3 nga anay engineer han Department of Public Works and Highways (DPWH) nga dabi ha kontrobersyal nga flood control project.
Sumala kan Senate Blue Ribbon Committee Chair Panfilo “Ping” Lacson, ginrekomenda nira Senate President Vicente “Tito” Sotto III nga baribaran an furlough request han grupo matungod ha security concerns.
Ginpaangbit naman ni Lacson nga may pautro-utro nga pahayag hi Ombudsman Jesus Crispin Remulla ngan hi Pangulong Ferdinand Marcos Jr. nga magpapagawas hira hin arrest warrants ugsa mag-Pasko kontra ha mga dabi han anomalya.
Kalakip ha waray tuguti nga makagawas hi Discaya ngan an ginkokonsidera nga “BGC Boys” nga hira Brice Hernandez, Jaypee Mendoza, ngan Henry Alcantara, ngan anay DPWH engineers.
Mababaruan nga an upat in presente nga nakadetine ha Sabado kasumpay ha imbestigasyon ha anomalya hiton flood control projects nga nagkakantidad hin gintaos-gatos nga milyon.
