Nagpapabilin nga waray komunikasyon an Senado kan Sen. Ronald dela Rosa, sobra tulo kabulan tikang han urhi ine nga nakit-an han Senado.
Ha usa nga pahayag, napakianhan hi Sen. Panfilo Lacson kun nakikigsumpayan ha mga senador o ha liderato han Senado hi dela Rosa ha sulod han pira kabulan nga pagkawara hini.
Sumala kan Lacson, baga-baga hin invisible yana hi dela Rosa.
Nakakaistorya la han Senado an usa ha iya mga anak ngan pira nga staff ni dela Rosa nga padayon nga nagtatrabaho ha iya opisina. Magin hira in aminado nga dire pa nakikigsumpayan ha ira an senador.
Waray gihapon iginpadara nga mensahe an senador nga nagpapahayag nga karuyag na niya nga bumalik ha Senado.
Ha lain nga bahin, ginsigurado naman han liderato han Senado nga waray rason agud igsara an opisina ni dela Rosa o dire paswelduhon an iya mga staff bisan kun dire ine nasulod ngan nakikiparte ha mga sesyon.
Sumala kan Lacson, magpapabilin ine samtang nagseserbi nga senador hi dela Rosa.
