-- Advertisements --
NATIONAL NEWS– Ginkumpirma ni Senator Ronald “Bato” dela Rosa, nga dire hiya maattender ha joint session han Senado ngan Kamara kun diin magsasalawad han iya State of the Nation Address (SONA) hi Presidente Bongbong Marcos.
Sumala kan Dela Rosa, waray hiya plano nga umatender ha SONA ngan nadire hiya makigplastikay ha pira nga mga kongresista ngan pira nga mga taga-Malakanyang nga ginkakabido-an niya.
Dire gihapon maupay nga maattender hiya nga malain iton buot.
Sugadman, an desisyon niya nga dire tumambong ha SONA in personal niya nga desisyon ngan dire hiya maaram kun ano an plano han grupo nira nga Duter-Seven Bloc.
Naglalaum naman hi Dela Rosa nga ha nabibilin nga tuig ni PBBM ha serbisyo in mapapaupay hini an kinabuhi han mga Pilipino.
