Binanatan ni Kamanggagawa Partylist Representative Eli San Fernando an pagprayoridad han gobyerno ha panghatag hin temporaryo nga ayuda ha mga empleyado imbes nga magpatuman hin sakto nga umento ha sweldo.
Para han San Fernando, an sugad nga polisiya han mga economic managers in insulto ha sobra lima kamilyon nga minimum wage earners ha nasud.
Reaksyon ini ni San Fernando ha ginpahayag ni Department of Economy, Planning, and Development (DEPDev) Director Desiree Joy Narvaez ha House Deca Tri Committee hearing nga an polisiya han presente nga administrasyon in nakatutok ha paghahatag hin subsidiya imbes nga suportahan an panukala nga P200-increase ha inadlaw nga sweldo.
Duon pa ni San Fernando, usa gihapon nga pambabastos ha mga ordinaryo nga empleyado an panukala nga P1,500 nga subsidiya nga napatak la ha P50 kada adlaw ha sulod han usa kabulan.
