Gin human na ni Senador Paolo Benigno “Bam” Aquino IV an mga ispekulasyon kasumpay ha posible nga pagdalagan niya kumo bise-presidente kapadis hi Vice President Sara Duterte ha 2028, ngan iginduon nga mas kinahanglan tutukan han gobyerno an edukasyon ngan ekonomiya kontra ha timprano nga pamumulitika.
Ha usa nga press advisory dida han Dominggo, igin diwara han magbabalaod nga mayda gin bubug-os nga alyansa para ha masunod nga piniliay.
Nakakuha han atensyon an isyu mahuman nga ig anunsyo ni Duterte an iya presidential bid ngan mahuman nga igpahayag ni Aquino ha usa nga pahayag nga mas maupay kun ha Pilipinas ighe-hearing an crimes againts humanity case ni anay Presidente Rodrigo Duterte.
Sugadman, gin klaro han senador nga bug-os an iya respeto ha nagpapadayon nga imbestigasyon han International Criminal Court (ICC).
Sumala ha senador, kinahanglan unahon han gobyerno an pagresolba ha krisis ha mga iskuylahan, sugad han classroom backlog, ngan iba pa nga isyu ha nasyunal.
