TACLOBAN CITY – Naging malinampuson an ginbuhat nga sea trial han OCEANJET para ha bag-o nga ruta ha kadagatan tikang ha Cebu pakadto Villaba, Leyte ngan sugadman tikang ha Villaba Port pakadto ha syudad han Cebu na ruta.
Sumala kan Teddy Vapor, Municipal Administrator han bungto han Villaba, Leyte, nagin positibo an assessment han operations manager han OCEANJET ha mao nga sea trial nga humagos la hin tulo kaoras.
Ini naman an pinakasyahan nga higayon nga nagdumara hin trial run ha mao nga ruta ngan naglalaum an Villaba LGU nga magdedesisyon an OCEANJET ngan iba pa nga fastcraft companies nga mag-operate ha ira bungto.
Pananglitan nga magkaada na hin operasyon o byahe an mga barko tikang ha Villaba pakadto ha Cebu in damo nga mga pasaheros an makakabenepisyo hini labi na gud ha probinsya han Biliran ngan Leyte. Dako gihapon an maibubulig hini ha sektor han agrikultura ngan ha mga parag-uma tungod nga pinaagi han mao nga ruta in mapapadagmit an transportasyon han ira mga produkto pakadto ha Cebu ngan iba pa na lugar.
