TACLOBAN CITY – Guintuman ni Special Assistant to the President (SAP) Christopher ‘Bong’ Go an patapod hini nga paghatag hin ambulansya makalabay an upat kasemana.
May paghisumpay hini personal nga guinturn over ni Secretary Go an brand new nga ambulansya ha
Malasakit Center han Eastern Visayas Regional Medical Centre (EVRMC) nga guintistiguhan naman han
mga doctor ngan mga empleyado han hospital.
Guinsiguro ni Go ha publiko nga libre an Malasakit ambulance ha pagsirbi ha mga pobre nga pasyente nga
tikang ha unom nga probinsya han Sinirangan Bisayas.
Dugang pa ni Secretary Go nga magpapadayon ini ha pagpanhatag hin mga ambulasya ha iba pa nga mga
rehiyon pinaagi ha bulig han iya mga kasangkayan nga may adboksiya ha pag-ataman ha panlawas.
Samtang, duro naman an pagpasalamat han chairman han EVRMC Department of Emergency Medicine
nga hi Dr. Aron Balais ha naangkon nga panibag-o nga ambulansya han hospital.
