TACLOBAN CITY – Nagdudumara an Rizal Central School hin Brigada Eskwela Bazaar, kun diin usa ine nira nga pamaagi nga makalikom an ira pamunuan hin pondo para makapalit han mga ginkikinahanglan nga gamit para hiton Brigada Eskwela 2022-2023.
Sumala kan Harold Naputo, Assistant Principal han Rizal Central School, nga ira ine ginhimo agud nga ha sugad nga mapaagi makaiban-iban hira hin gastos.
Dugang pa han mao nga opisyal, sanglit nga kun bibisitahon an ira skwelahan makikitan an ira baga-baga hin Ukay-Ukayan.
Ginmalatumat han mao nga opisyal, nga an malilikom nga kwarta in igpapalit hin mga materyales para ha pagpahusay hiton mga classrooms nga gagamiton yana nga pag abre hiton face to face classes.
Mababaruan nga dire la mga gamit sugad hiton panapton an mapapalit ha mao nga Brigada Bazaar, kundi kalakip gihapon in mga utanon nga tikang ha City Agriculture Office.
