TACLOBAN CITY – Usa nga disgrasyda ha kadalanan an nahipatik ha Brgy. Bayho, Lope de Vega, Northern Samar kun diin usa nga rider an bumunggo ha wingvan.
Ginkilala an rider kan alyas Jely, 27-anyos an pangidaron, ngan residente han Brgy. Magsaysay, Palapag, Northern Samar.
Sumala kan PCapt. Sherwin Aldrin Portajada, Acting Chief of Police hiton Lope de Vega Municipal Police Station, tikang ha Cebu an wingvan ngan magde-deliver unta hin mga mineral water ha Catarman, Northern Samar.
Basar ha imbestigasyon, nag-overshoot an rider rason nga bumunggo ine ha luyo nga parte han wingvan.
Gin panhimuwa naman hine an nagsasarang nga post nga social media kun diin dire daw tinuod nga naligis an rider an wingvan.
Samtang, talwas naman an rider ngan waray gud kaduruhi hin injuries mahitungod nga naka-helmet ine pero nag-angkon la gihapon ine hin mga kasamdan ha lawas ngan ha tuo nga parte han talinga hine.
