TACLOBAN CITY – Nagtutuo an pira nga rice retailers ha rehiyon nga sobra kahitaas an tres ngada kwatro pesos nga posible nga increase ha presyo han kada kilo han bugas.
Una hini, ginpahayag han Samahang Industriya ng Agrikultura (SINAG) nga posible nga humitaas ha tres pesos an palay farm gate prices ha nasud tungod han oil price hikes nga durot han nagpapadayon nga epekto han krisis ha Ukraine ngan Russia.
Ginpahayag gihapon han SINAG nga an paghitaas han presyo han bugas in tungod han hitaas nga transportation cost ngan sugadman an paghitaas gihapon han presyo han mga fertilizer ngan pesticides nga gingagamit han mga parag-uma.
Sumala kan Frederick Dy, presidente han Grains Retailers Confideration (GRECON), sobra kahitaas an mao nga P3-4 nga price increase ha kada kilo han bugas, ngan sigurado nga maaraba an mga konsumidor o mamaralit.
Naglalaum ini nga dire sugad kahitaas nga price hike an igpapatuman tungod nga temporaryo manla an sitwasyon nga durot han krisis ha Ukraine ngan Russia.
Ginklaro naman hini nga ha pagkayana in waray pa naging pag-gius han presyo han humay ngan bugas ha rehiyon ngan nagpapabilin ini nga stable.
