Humitaas pa an inventory han bugas ha Pilipinas dida han bulan han Marso 2026.
Ha updated report nga ginpagawas han Philippine Statistics Authority (PSA), umabot ha 1.88 million metric tons an kabug-usan nga stocks han bugas ha bug-os nga nasud ha nasabi nga bulan.
Mas hitaas ini hin 16.5% kumpara ha rice inventory dida han Marso 2025 nga umabot la ha 1.61 million metric tons.
Dako nga parte han humitaas nga stocks in tikang ha National Food Authority (NFA). Humitaas an stock han ahensya ha mga bodega hini hin haros 35%.
Humitaas gihapon hin 15.9% an stock hin bugas ha household, samtang 6.9% naman an iginhitaas han mga imbentaryo tikang ha commercial sector.
Ha kaluyo hini, nagawas nga an stocks han bugas ha nasud ha nasabi nga bulan in mas hamuno hin 11.1% kumpara ha imbentaryo ha sinundan hini nga bulan.
