METRO MANILA – Tumestigo an agent han National Bureau of Investigation (NBI) ha bail hearing ni anay Senador Ramon Revilla Jr. ha Sandiganbayan Third Division.
Ginmalatumat hini nga an P92.8 milyon nga “ghost” flood control project ha Pandi, Bulacan, nga presente nga sentro han graft ngan malversation case kontra ha anay Senador, in gindeklara nga 95% nga kumpleto mahuman la han 21 ka-adlaw.
Pero ha video inspection dida han Setyembre 16, 2025, in waray may nakatukod nga flood control, pero gindeklara ini nga 95.17 percent nga human na an proyekto dida han Abril 29 han parehas nga tuig.
Sumala ha NBI nga kun susumahon, posible umabot an proyekto hin kutob 270 ka-adlaw ugsa makumpleto.
Samtang, ginpanhimuwa naman ni Revilla ha pamamaagi han iya abogado nga hi Atty. Francesca Senga an mga alegasyon, ngan gintawag ini nga “hearsay” tikang ha “unbelievable and unreliable source.”
