-- Advertisements --
SEOUL, SOUTH KOREA – Tulo nga concertgoers an samaran mahuman nga bumigay an safety fence ha butnga han concert han Super Junior ha Seoul dida han nakalabay nga Dominggo.
An aksidente in nahitabo ha pinaka-urhi nga adlaw han tulo nga concert ha Seoul nga gindumara han grupo ha KSPO Dome kun diin humirani an miyembro han SuJun nga hi Ryeowook ha mga fans para han encore song.
Mahitungod ha pag-harani han mga fans ha ira idolo in bumigay an fence ha seating area.
Sumala naman ha SM Entertainment, an mga samaran nga fans in dayon nga gindara ha ospital ngan gintambal an mga naangkon han mga ini nga kasamdan.
