Kadungan han ika-40 nga anibersaryo han EDSA People Power Revolution kakulop nga adlaw, Pebrero 25, gintagan-duon ni Liberal Party (LP) Chairperson ngan Mamamayang Liberal (ML) Party-list Rep. Leila de Lima nga dire supresyente an paghinumdom, lugod in kinahanglan hin konkreto nga aksyon agud maproteheran an demokrasya han nasud.
Ha usa nga pahayag, ginmalatumat han magbabalaod nga ha kaluyo nga upat kadekada na an nakalababay mahuman an makasaysayanon nga bloodless revolution, padayon an pagtubo han mga panibag-o nga hulga ha kagawasan.
Gin pahimatngunan gihapon han anay senador an publiko nga baga-baga hin nahirarayo na an ‘diwa’ han ha EDSA para ha pira, labi na nga apilyedo nga Marcos an utro nga nalingkod ha pagka-presidente ngan mayda mga politiko nga nalikay ha pagbaton.
Kumo paghuhman, nagdig-on an partido nga an paghinumdom ha EDSA in usa nga panata agud depensahan an rule of law.
