-- Advertisements --
TACLOBAN CITY — Magtitikang na ha masunod nga semana Lunes, Mayo,15 an regular classes ha ngatanan nga mga eskwelahan mahuman an pira kaadlaw nga pagsuspinder matungod hiton nakalabay nga eleksyon.
Sumala kan Jasmin Francisco-Calzita, tagapagyakan han DepEd Regional Office 8, mabalik na ha tagsa nga mga eskwelahan an mga estudyante ngan magturudto nga nagserbi kumo mga electoral board ha katatapos pala nga piniliay.
Mababaruan nga ginsuspinder an klase pira kaadlaw ha bug os nga Pilipinas tinikangan dida han Mayo 2 tubtob 13.
Utro naman nagpahibaro an mao nga opisyal ha mga estudyante nga kinahanglan na han mga ini sumulod ha tagsa eskwelahan agud matikangan na utro an pagdudumara han limited face-to-face classes.
