TACLOBAN CITY– Napatay han 46th Infantry Battalion, Philippine Army, an lider han New Peoples Army ha natabo nga engkwentro ha Barangay Cawayan, Catbalogan City, Samar.
Ginkilala an nasabi nga lider kan Artemio Solayao, alyas Budil.
Sumala kan 8ID Philippine Army, Division Public Affairs Office, Capt. Jefferson Mariano, lider ine han Squad 2, Yakal Platoon, SRC Browser han Eastern Visayas Regional Party Committee (EVRPC).
Dugang pa ni Mariano, maabot naman ha 6 nga mga Communist Terrorist Group an naka-engkwento han tropa militar.
Umabot naman ha ha 15-minutos an nagin balyuay han buto hiton pusil ha nasabi nga engkwentro.
Mababaruan, nga an napatay nga lider in mayda naka-eksister nga warrants of arrest, matungod ha mga nahimo hine nga krimen, sugad han pan-ambush ha 14th Infantry Battalion hadton 2014 ha Maypadandan, Catbalogan City.
