TACLOBAN CITY– Magtitikang yana nga adlaw, an pagbaligya hiton P29 per kilo hiton bugas ha pira nga mga pili nga lugar nga gintudlok han National Irrigation Administration Region 8.
Sumala kan National Irrigation Adminstration 8, Information Officer, Jean Sarah Francisco, an nasabi nga barato nga bugas in para hiton mga Senior Citizens, PWDs, Solo Parents ngan 4Ps beneficiaries.
Dugang pa ni Francisco, yana nga adlaw Disyembre 19, pagdudumaraon an pamaligya ha Brgy. Guindapunan, Catbalogan City, Samar
kun diin mayda ine (600 bags), kadugangan hine an Borongan Satellite Office, Brgy. Alang-alang, Borongan, Eastern Samar, kun diin mayda ine (300 bags).
Pag-abot naman han Disyembre 20, an Basey IS Satellite Office, naman an magdudumara kun diin aadto ine ha Brgy. Tingib, Basey Samar
(100 bags).
Magtitikang naman an pamaligya alas 7:00 hiton aga, kuton nga maubos an nasabi nga bugas.
Para ha mga karuyag pumalit, ginkikinahanglan nga magdara hin valid IDs, ngan 1 kasako la an pwede mapalit han usa nga indibidwal.
Mababaruan, an nasabi nga bugas in tikang ha syahan nga ani han BITO River Irrigation System (RIS) pinaagi han Farming Support Services Program han National Irrigation Administration (NIA) kun diin an barato ngan dekalidad nga bugas in tikang ha lokal nga parag-uma.
