INTERNATIONAL – Gin iimbestigaran na han Federal Bureau of Investigation, US Justice Department ngan iba pa nga state agencies an ada ha luyo han igin pasarang nga racist mass text messages ha mga Black American dida han 2024 US Presidential elections.
Nahipatik an pagpapadara han text message tikang ha anonymous individuals ha magkaduru-dilain pa nga estado han Amerika sugad han New York, Alabama, California, Ohio, Pennsylvania, Maryland, at Tennessee.
Ha igin padara nga text messages, mababasahan nga ginmanduhan han sender an mga recipient nga sumakay ha usa nga bus o van nga magdadara ha ira ha usa nga plantation para magtrabaho kumo slaves o suruguon.
Sumala kan Federal Communications Commission Chair Jessica Rosenworcel, igin padaa an nasabi nga text message ha mga kabataan nga college student nga nagdurot hin pagkabaraka.
Sumala naman kan Louisiana Attorney General Liz Murrill, gumamit an sender hin Virtual Private Network (VPN) para dire matudlok an gin tikangan hine.
