TACLOBAN CITY- Padayon pa nga guintatambalan ha hospital an usa nga pulis mahuman ini nga pusilon hin parag-uma ha Brgy. Putong, San Julian, Eastern Samar,
Guinkilala an biktima kan PO2 Fredirick Samantilla y Lazaro, Intel PNCO han San Julian Municipal Police Station.
Samtang guinkilala naman an suspek kan Fredie Moscosa y Basada, 27 anyos an pangidaron, kasal, parag-uma ngan residente han lugar nga nahinabuan han krimen.
Basi ha report han mga otoridad nga usa hi Samantilla ha mga nagresponde nga kapulisan ha mao nga lugar mahuman nga pasabton han usa nga concerned citizen nga may nanabo na indiscriminate firing ha nasabi nga barangay kun diin pag-abot han mga ini, tigda nala guinpusil han suspek an biktima ha tiyan.
Dayon naman nga kumalagiw an suspek mahuman an nabuhat nga krimen.
Nakecover ha crime scene an guingamit han suspek nga homemade gun o mas kilala ha tawag nga “Pogakhang”.
