NATIONAL – Ginpapag-ikmat yana han Bureau of Immigration an publiko ha pagsarang han pira nga mga scammer nga nagso-solicit hin kwarta para ha mga biktima han bagyo.
Ini an nagin pahimatngon ni Immigration Commissioner Joel Anthony Viado kasumpay ha mga inidbidwal nga gingagamit an iya ngaran para mangolekta la hin kwarta.
Sumala kan Viado, damo iton iya nakarawat nga reklamo kasumpay ha scammers nga nagpapasangil nga may koneksyon ha iya.
Subay ha imbestigasyon han nahibaru-an nga an dabi nga scammer in kapareho an cellphone number nga gamit ha pira nga inisidente hin panguwat nga target naman an iba pa nga ahensya han gobyerno.
Ha pagkayana in nakikigsumpayan na hira ha National Bureau of Investigation agud mas mahugot nga imbestigaran an nasabi nga insidente ngan matagan hin kaangayan nga aksyon an mga nagpapaluyo ha mao nga krimen.
