TACLOBAN CITY – Ginproklamar ka kulop nga adlaw an mga nagdaog nga kandidato ha magkadirudilain nga posisyon ha syudad han Tacloban tikang ha katatapos pala nga local elections.
Sumala kan Atty. Ramon Dadulla, election officer han Tacloban City Comelec, mahuman nga ma-transmit an 100% nga resulta han piniliay tikang ha 257 nga mga presinto ha syudad in dayon nga gindumara an mga aktibidad para han proklamasyon han mga winning candidates.
Basar ha naging resulta han piniliay ha Tacloban, daog pagka-alkalde hi incumbent Mayor Alfred Romualdez nga nakakuha hin 63, 976 nga botos ala kontra ha maabot la ha 53, 289 votes para kan VM Jerry Sambo Yaokasin.
Nanguna naman pagka-bise mayor hi Edwin Chua nga mayda 56, 478 nga botos kontra kan Raymund Romualdez nga mayda 52, 887 votes.
Base gihapon ha resulta, nanguna pagkakonsehal han syudad hi Jerry Uy nga mayda 60, 477 votes, Edward Chua (60, 065 votes), Elvie Casal (59, 015), Edson Malaki (52, 546), Aimee Grafil (49, 276), Leo Bahin (46, 387), Yanyan Granados (46, 338), Tata Granados (45, 696), Chris Esperas (42, 924) ngan Rachelle Pineda (42, 646).
