TACLOBAN CITY – Gin tikangan na an lokal nga produksyon han utanon nga cauliflower ha syudad han Tacloban.
Sumala kan Tacloban City Agriculture Office Head, Romelo Anade, ugsa hira magdamo hin pagtanom han mga high-valued crops in ira anay ginti-testingan kun mag-uupay ba an pagtubo hine o dire.
Labot pa han cauliflower in mayda daw gihapon hira tanom nga lettuce romaine kun diin an nasabi nga variety in dire gud natubo ha bisan la diin lugar o klase hin klima.
Sanglit, ugsa daw hira magkamay-ada hin mass production in ginti-testingan anay ine nira ha ira trial farm.
An nasabi nga pananom in aadto nakatanom ha Pitahaya Farm, usa nga TESDA accredited learning site ngan Agricultural Learning Institute ha syudad han Tacloban.
Kun diin, ginpapaniguruhan gihapon hiton City Agriculture Office nga magkamay-ada ine hin slot ha NC II para Organic Agriculture mahitungod nga ngatanan han mga tanom dinhi mga organic ngan waray nga kemikal nga halo.
