NATIONAL NEWS – Nagtutuo an Presidential Anti-Organized Crime Commission (PAOCC) nga masosolbar na an problema han nasud an Philippine offshore gaming operators (Pogo) ha katapusan hiton tuig.
Ginpahayag ni PAOCC chief Gilbert Cruz, matungod hiton ira padayon nga pag-raid ha mga iligal nga POGO hubs ha nasud dire harayo nga maubos ine.
Ginpaangbit hine nga ha pagtikang hiton tuig, mayda na hira 3 nga pangunahon nga scam hubs an ira napa-undang ngan nag resulta naman hin pagkaka-aresto hin maabot 559 nga mga langyawanon.
Sunod-sunod gihapon an ira ginhimo nga pagtalwas ha mga langyawanon nga nabiktima han kidnapping ngan an mga suspek in igkasi la gihapon mga langyawanon.
Aminado hi Cruz nga an mga iligal nga nag-ooperate han POGO in nagtatago ha mga tay-aw ngan residential area.
