TACLOBAN CITY– Ginhinumdom han mga empleyado han Probinsya han Leyte an pira nga mga ka trabaho nga namatay han paglasurbo han pinaka makusog nga bagyong Yolanda.
Ha pagkakatitirok han mga empleyado han Probinsya in ginhinumdom han mga ini an mga hinumduman han mga ka trabaho han nabubuhi pa an mga ini.
Sumentro an aktibidad ha paghatag hin 10 mil pesos nga cash assistance para ha mga pamilya han mga namatayan tikang na mismo ha pondo han Provincial Association of Government Employees (PAGE) Leyte chapter,
Sumala kan PAGE President Dionisio Balintong in nakatalaan gihap nga kumarawat hin hinabang an mga surviving families han mga namatay.
Lima nga mga PAGE members an makarawat han tag 10 mil pesos nga hinabang.
Nagpalupad gihap hin mga lobo ngan nagdagkot hin mga kandila an mga empleyado nga pahinungod ha mga namatay nga mga empleyado han Probinsya han Leyte.
Kaparte han aktibidad an book launching han sikat nga Author Albert Mulles nga Typhoon Haiyan: The Untold Story.
